sveppasósa með rósmarín
Þessi sveppasósa er ótrúlega góð og passar vel með páskasteikinni og öllu meðlætinu. Mér finnst ómissandi að hafa heita sveppasósu við fínni tilefni eins og jól og páska og vil hafa mikinn pipar - mæli mjög mikið með fjórum árstíðum frá Kryddhúsinu en það eru frjórar tegundir af piparkornum sem gefa ótrúlega gott bragð og meiri dýpt í sósuna. Njótið vel!
UPPSKRIFT
1 laukur
2 hvítlauksrif
350gr íslenskir sveppir
1 dós kókosmjólk eða kókosrjómi
4-6 msk tamari eða soya sósa
1 tsk salvía
1 msk ferskt rósmarín
Fullt af pipar
AÐFERÐ
1. Byrjið á því að fínskera laukinn og steikja á pönnu þar til mjúkur og ilmandi.
2. Skerið sveppina í litla bita og bætið út á pönnuna ásamt hvítlauk. Látið malla í nokkrar mínútur.
3. Bætið soya og pipar þegar sveppirnir eru orðnir mjúkir.
4. Bætið við kókosrjóma og rósmarín. Setjið lok á pottinn og látið malla í 5-10 mínútur eða þar til sósan hefur þykknað.
Ég nota íslenskar og/eða lífrænar afurðir eftir bestu getu og hvet ykkur til að gera það sama. Þessir valkostir eru betri fyrir jörðina okkar og líkamann.
